تنّور
تسجيل الدخول

شغّل مطعمك من شاشة وحدة

تنّور نظام كاشير وشاشة مطبخ ومنيو QR للمطاعم. الزبون يطلب من تلفونه، الكاشير يرسل، المطبخ يشوف عمر كل طلب، وبآخر اليوم تقفل بأرقام صحيحة.

سجّل مطعمكعندي حساب
  • عربي أولاً وإنكليزي كامل
  • بالدينار العراقي
  • تابلت وموبايل ولابتوب

الزبون يطلب بدون ما يناديك

رمز QR على الطاولة يفتح منيو المطعم بتلفون الزبون. ما يحتاج تطبيق ولا حساب.

  • يختار طاولته أو سفري، ويكتب رقم تلفونه
  • طلبه ينزل مباشرة بشاشة المطبخ والكاشير
  • يتابع الحالة من صفحته: وصل، قيد التحضير، جاهز
  • أزرار اتصال وواتساب للمطعم بنفس الصفحة

المطبخ يشوف الوقت، مو بس الورقة

كل طلب له مؤقت بلون ونص وأيقونة. أي طلب يتأخر تشوفه من بعيد حتى وإنت مشغول.

  • عادي، بطيء، متأخر: العتبات تحددها إنت
  • اسحب الطلب بين الأعمدة أو اضغط زر كبير
  • تحذير "المطبخ مضغوط" لما تتراكم الطلبات
  • تحديث لحظي بدون ما تحدّث الصفحة

الكاشير غلط؟ عدّل أو ألغِ

الطلب الجديد يتعدّل قبل ما يبدأ التحضير، والإلغاء يحتاج تأكيد. المطبخ يشوف علامة "عُدّل".

  • أصناف وأسعار من المنيو، ما يكتبها الكاشير يدوياً
  • الخدمة تنحسب وتتقرّب لأقرب 250 د.ع
  • طلبات الزبائن تظهر وياها رقم التلفون
  • كل تغيير يتسجّل: مين غيّر وشنو ووقتها

اليوم يقفل بأرقام ما تتغيّر

ملخّص يومي بالمبيعات ومتوسط وقت التحضير والطلبات المتأخرة والملغاة. تقفل اليوم ويصير سجل.

  • اليوم التشغيلي يبدأ بالساعة اللي تحددها (مثلاً 4 الفجر)
  • الأكثر طلباً من الأصناف
  • سجل بالأيام المقفولة، ما يتبدّل بعد الإقفال
  • ما يسمح تقفل وفيه طلبات مفتوحة إلا بتأكيدك

مصنوع لسوق عراقي

مو منيو إنكليزي مترجم. التفاصيل اللي تهمك مضبوطة من البداية.

الدينار
المبالغ بـ 45,000 د.ع وأرقام 0-9 واضحة
العربي
الواجهة RTL كاملة، وخط يقرأ بسهولة من بعيد
واتساب
الزبون يراسل المطعم بضغطة وبرسالة جاهزة بطلبه
توقيت بغداد
اليوم التشغيلي والتقارير على توقيتك
طاولات وسفري
عدد الطاولات تحدده، ولكل طاولة رمز QR خاص
الإنكليزية
كل شاشة وصفحة زبون بلغتين، يبدّل بزر

كل واحد يشوف شغله بس

تدعو فريقك بالإيميل وتعطي كل واحد دور. الصلاحيات مطبّقة بالخادم، مو بس بالواجهة.

جرّبه قبل ما تسجّل

مطعم كامل ببيانات تجريبية: تتجوّل بكل الشاشات، وتسوي طلب وتحرّكه لحد التسليم. ما يتعدّل ولا يتحذف شي.

شوف منيو الزبون

أسئلة قبل البداية

كيف أسجّل مطعمي؟

تسوي حساب، تضيف اسم مطعمك، وتنتظر موافقتنا. بعد الموافقة تفتح كل الشاشات ويوصلك إيميل. هذا حتى نتأكد أن المطاعم على المنصة حقيقية.

الزبون يحتاج تحمّل تطبيق؟

لا. يمسح رمز QR أو يفتح الرابط، ويطلب من متصفح تلفونه.

شنو أحتاج من أجهزة؟

أي جهاز بمتصفح: تابلت للمطبخ، وجهاز للكاشير، وموبايل للمدير. ما نحتاج جهاز مخصص.

هل يشتغل بدون إنترنت؟

لا، تنّور يحتاج إنترنت. إذا انقطع الاتصال المؤقت تحدّث شاشة المطبخ نفسها لما يرجع.

أقدر أطبع رمز QR للطاولات؟

نعم. من صفحة رمز المنيو تطبع رمز عام ورمز لكل طاولة، بتصميم بهوية تنّور.

من وراء تنّور؟

هسّه تك، استوديو عراقي لتطوير الأنظمة وتصميم الواجهات. hassatech.com

جاهز تشغّل مطعمك من شاشة وحدة؟

سجّل مطعمك